NEET परीक्षा हाच मुळात एक गैरप्रकार;परीक्षा प्रणालीवर गंभीर आरोप
NEET ने वैद्यकीय शिक्षणाची सोय फक्त काही ठराविक लोकांसाठी केली आहे, ज्यांनी राज्य मंडळांमध्ये किंवा त्यांच्या मातृभाषेत शिक्षण घेतले आहे, अशा विद्यार्थ्यांवर ही परीक्षा अन्याय करते.
eduvarta@gmail.com 
एज्युवार्ता न्यूज नेटवर्क
नॅशनल एलिजिबिलिटी कम एन्ट्रन्स टेस्ट (National Eligibility cum Entrance Test) NEET परीक्षा हाच मुळात एक गैरप्रकार आहे, (The exam itself is basically a malpractice,) अशी परीक्षा कोणत्याही त्रुटींशिवाय कशी घेतली जाऊ शकते, असा गंभीर आरोप तमिळनाडूच्या डीएमके सरकारने केला आहे. (The DMK government has made an allegation.)
एकीकडे यंदा झालेल्या NEET परीक्षेतील अनियमितता प्रकरणी सुरू झालेल्या वादावर अद्याप पडदा पडलेला नाही. अशातच तमिळनाडू सरकारने या परीक्षा प्रणालीवर प्रश्नचिन्ह उपस्थित केला आहे. डीएमके पक्षाचे मुखपत्र असलेल्या 'मुरसोली' दैनिकाने आपल्या संपादकीय मध्ये NEET परीक्षे विषयी हे गंभीर आरोप केले आहेत.
या दैनिकाने आरोप केला आहे की, 'NEET ने वैद्यकीय शिक्षणाची सोय फक्त काही ठराविक लोकांसाठी केली आहे, ज्यांनी राज्य मंडळांमध्ये किंवा त्यांच्या मातृभाषेत शिक्षण घेतले आहे, अशा विद्यार्थ्यांवर ही परीक्षा अन्याय करते. या परीक्षेची प्रश्नपत्रिका सीबीएसई बोर्डाच्या विद्यार्थ्यांसाठी तयार करण्यात आली आहे.
काही उत्तरेकडील राज्यांमध्ये NEET परीक्षेदरम्यान कथित फसवणूक झाल्याची उदाहरणे देत दैनिकाने आरोप केला आहे की, 'NEET परीक्षा ऑनलाइन परीक्षा नसून ही कॉपी करणार्या विद्यार्थ्यांसाठी घेतली जाणारी परीक्षा आहे.' दरम्यान, या संपादकीय मुळे दक्षणेकडील राज्यांचा NEET परीक्षेला असलेला विरोध पुन्हा एकदा अधोरेखित झाला आहे.
